அதிகாரப் பகிர்வு குறித்த பேச்சுவார்த்தைகளில் முஸ்லிம் தரப்பு பிரதிநிதித்துவும் உள்ளடக்கப்பட வேண்டும்

அதிகாரப் பகிர்வு தொடர்பான பேச்சுவார்த்தைகளில் முஸ்லிம் தரப்பு பிரதிநிதித்துவமும் உள்ளடக்கப்பட வேண்டுமென ஸ்ரீலங்கா முஸ்லிம் காங்கிரஸ் அறிவித்துள்ளது.

முஸ்லிம் தரப்பு உள்ளடக்கப்படாது நடத்தப்படும் பேச்சுவார்த்தைகளின் மூலம் நாட்டில் தேசிய நல்லிணக்கத்தை ஏற்படுத்த முடியாது என சுட்டிக்காட்டியுள்ளது.

தற்போது நடைபெற்று வரும் அரசாங்கத்திற்கும் தமிழ்த் தேசியக் கூட்டமைப்பிற்கும் இடையிலான பேச்சுவார்த்தைகளில் ஸ்ரீலங்கா முஸ்லிம் காங்கிரஸூம் இணைத்துக் கொள்ளப்பட வேண்டுமென வலியுறுத்தப்பட்டுள்ளது.

அண்மையில் இலங்கைக்கான ஜப்பானிய தூதுவர் குனியோ தக்காஷியுடன், ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம் நடத்திய பேச்சுவார்த்தைகளின் போது இந்த விடயங்கள் குறித்து கவனம் செலுத்தப்பட்டுள்ளது.

முஸ்லிம் தரப்பினை புறக்கணித்து தேசியப் பிரச்சினைக்கு தீர்வு காண்பது சாத்தியப்படாது என அமைச்சர் ஹக்கீம் சுட்டிக்காட்டியுள்ளார்.

-நெருடல்-