கரடியனாறு பகுதியில் இடம்பெற்ற விபத்தில் ஒருவர் பலி

மட்டக்களப்பு கரடியனாறு பொலிஸ் பிரிவில் இடம்பெற்ற வாகன விபத்தில் ஒருவர் உயிரிழந்ததுடன் மேலும் இரண்டு பேர் காயமடைந்துள்ளனர்.

பதுளை- கொழுவாமடு வீதியில் இன்று முற்பகல் 10 மணியளவில் இந்தவிபத்து இடம்பெற்றுள்ளதாக பொலிஸார் குறிப்பிடுகின்றனர்.

ரிப்பர் வண்டியொன்றும், மோட்டார் சைக்கிள் ஒன்றும் மோதி விபத்துக்குள்ளானதாக பொலிஸார் தெரிவிக்கின்றனர்.

விபத்தில் வண்டியின் சாரதியும், உதவியாளரும் பலத்த காயங்களுக்குள்ளாகி மட்டக்களப்பு வைத்தியசாலையின் அவசர சிகிச்சைப் பிரிவில் அனுமதிக்கப்பட்டுள்ளனர்.

உயிரிழந்த நபரின் பிரேத பரிசோதனை நடத்தப்பட்டுள்ளதுடன் விபத்து தொடர்பாக பொலிஸார் மேலதிக விசாரணைகளை மேற்கொண்டுள்ளனர்.